Air Force lak a ni dawn

image fb_img_1480732121426

By: Ram Pachuau Lalhnam

Indian Air Force in an Special Force Commando (Garud/IAFS) bik lakna hun 10 December – 15 December 2016 chhung hian Gauhati ah an rawn nei dawn a, hei hi Sikkim, Assam, Arunachal, Nagaland, Manipur, Mizoram leh Tripura thalai te tan a tih bik deuh a ni nghe nghe.

An lakna hmun tur hi Gauhati Airport Road a 11ASC(Air Force Selection Centre) Borjhar an tih ah a ni a.
Helai hmun hi auto driver ho chuan an hre em em vek a, a kal duh tan a lungngaihthlak loh a ni.

Age Limit: 09 January 1997 leh 28 June 2000 inkar a piangte tan dil theih a ni a mahse kum 18 la tling lo țan ve duh si an awm chuan anmahni nu emaw pa emaw an chhungte emaw rawn kalpuitu ten form pakhat ah signature an pek a ngai ang.
Hei hi a chhan ni awm a ngaih chu kan nau hi kum 18 la tling chiah lo mahse a țan ve kan phalsak e an tihna a ni ber.

Qualification: Eng stream a tang pawh a 10+2 passed leh a pumpui a 50% hmu leh English subject a 50% hmu chin tan a ni. 49.99% hmu an awm chuan chu pawh 50% nilo 49% a ngaihsak anni ang.

Physical fitness:
1.6km minute 5 leh second 40 chhung a tlan thlen tur.
Chin-up vawi 8 tih tur.
Sit-up vawi 20 chauh.
Push-up pawh vawi 20 chauh.
Mahni a tlanna tur phei kawk leh kekawr bul (sport dress hi a ni mai) in ken tur.

Document : Class 10 leh 12 passed certificate leh marks sheet original ken tur. Tin, class 10 leh 12 marks sheet leh passed certificate hi xerox copy pali theuh ken bawk tur,attested ngai a nih pawn mahni a attested theih a ni bawk. Heng certificate te hi Date of Birth proof nan leh an passed ngei a ni tih chian nan a ni bawk.
Ken tur țul dang te: Pen,pencil leh a zumna tur, nawhreh, gum,stapler.
Passport size 7 lukhum khum loh tur. Passport size hi December a lak a ni tur a ni a, passport size lakna ah hian hming leh thla lakni thuziak chiang tak a lang ken lan tel tur a ni. Hei hi tihdan thar a ni awm e.
Medical:
San zawng ah 152 cm chin anni tur a ni a. Ha a fai tur a ni a zu rim a nam tur a nilo tin bengek pawh kher fai lawk a tha bawk ang.
Tattoo nei an duh lo a.. duh chin erawh an nei. Kut sir vel leh ban puamlai chhunglam a awm leh hnunglam langsar lo lai a awm te hi chu phal ve deuh a ni.
Permanent tattoo nei te chuan an tattoo neih thlalak leh a size leh a detail an keng tel tur a ni tih a ni bawk.

Training: Training ah hian silai leh ralthuam chi hrang hrang hman leh chhun leh zan a hmelma te beih dan leh thlawhna chi hrang hrang (C-130J Hercules, AN-32,C-17 Globemaster, Mi-17 leh Mi-17 V5 leh Dhruv)atang a zuanthlak leh hrui a uaithlak a hmelma beih te, chemte hman dan te leh kungfu lam chi UAC (Un-Armed Combat) te zirthiam tir anni bawk ang.

Northeast thalai zingah Mizo thalai te kal ve ngei tur in kan duhsak a che u. Indian Air Force Special Forces ‘GARUD’ an tih zing a tel ve na hun remchang tak a ni.

Leave a Reply

This site uses Akismet to reduce spam. Learn how your comment data is processed.

Please wait...

Subscribe to hnaruak.com

Want to be notified when our article is published? Enter your email address and name below to be the first to know. (Hna thar awm apianga hriattir nih i duh em? I duh chuan i email address leh hming a hnuaia form ah type lut rawh le.)