Indian Army – Military Nursing Service

Sipai chawma Nurse zir dan

India rama Hospital tha an sawi zinga an sawi tel ve ziah thin sipai damdawiin lian,
Armed Forces Medical Colleges hoah hian sipai chawmin B.Sc Nursing a zir theih thin a.
Sipai chawma Nurse zir duhte tan hian kumtin November/December thla velah notification tihchhuah a ni thin a,
April thla velah exam hi buatsaih a ni thin.

Sipai chawma B.Sc Nursing zirte hi chuan a thlawnin engkim an zir vek a,
uniform bakah ei leh in zawng zawng leh hostel fee thlengin a free vek a ni.
A thlawna an zir bakah sorkarin monthly stipend a la pe zawk a ni.
Tin, an zirchhuah hunah hna hmuh loh a awm ve lo a,
a thlawna an zir manah kum 5 chhung tal chu Military Nursing Service-ah an tang ngei ngei tur a ni zawk a ni.
Hemi hnu hian a ngheta an tan chhunzawm duh chuan Sipai officer-ah hian an tang chhunzawm thei a,
a nih loh chuan an chhuahsan thei bawk.

Eligibility Criteria

Candidates chu India khua leh tui a n ngei tur a ni a,
hmeichhia (pasal la nei lo/inthen tawh /pasal boral tawh emaw) an ni ngei tur a ni bawk.

Age : Candidate chu kum 17 leh 25 inkar a ni tur a ni.

Medical Fitness :

A taksa a fit tha tur a ni. Sipai a Medical Board-in ngun takin an endik vek ang.
San zawng hi 148 cm a ni tur a ni a, North East State ho tan erawh cm 5 thleng hriatthiamna a awm thung.
(feet 5 tling chiah lo, feet 4 leh inches 9 vel tan pawh a dil theih tihna a nih chu).

Qualification Criteria :  

10+2 vawi khat exam naa passed, Physics, Chemistry, Biology bakah English la tel ngei a ni tur a ni a.
Recognised Board atanga pass chhuak ngei a ni tur a ni.
Private student emaw, compartment hmanga pass emaw, open atanga pass te erawh chuan an dil ve thei lo thung.
Tin, class XII Science zirlai, HSSLC exam hmachhawn mai tur tan pawh a dil theih vek a,
interview hunah erawh a pass-na certificate show a ngai ve thung.

Minimum Marks :

Class XII subject zawng zawngah aggregate 50% tal a hmu tur a ni.
He exam hi exam nawn phal a ni lo a, vawi khat chiah exam phal a ni.

Application

Application hi online hmangin Indian Army website-ah thehluh tur a ni a,
Offline emaw, channel dang emaw hmanga thehluh thei a ni lo.

Engtik hunah nge?

Armed Forces hnuaia B.Sc Nursing zir duhte tan hian November thla velah notification tihchhuah a ni thin a.
Apply duh tan chuan a hunlai a ngaihven ngei ngei a ngai a ni.
December thla chho velah online application thehluh tur a ni.

Application Fee :

Application fee pawh hi online vek a pek tur a ni a.
Application fee hi mi pakhat tan Rs. 150/- chauh a ni.
Pawisa pek dan tur leh kaihhhruaina dang chu website lamah kaihhruaina fel tak a awm vek a ni.

Exam Pattern-

Zawhna reng reng chu objective type vek a ni thin.
English language hmanga exam a ni.
He exam-ah hian General English, Biology, Physics,
Chemistry leh General Intelligence subjects-te a tel hlawm.
Exam hunchhung rei zawng hi minute 90 a ni.

Exam Center

Agra, Ambala, Bangalore, Bhopal, Chandimandir, Chennai, Danapur, Dehradun, Delhi, Guwahati, Jabalpur, Jaipur, Jammu, Jhansi, Kochi, Kolkata, Lucknow, Meerut, Mumbai, Secunderabad, Thiruvananthapuram, Ezhimala (Cannanore) , Pune and Wellington.

Written Test a inziak tlingte hian Interview leh Medical test an paltlang leh a ngai a. Hetiang zawng zawng paltlangte hi Sipai Nursing College-ah kum 4 chhung zir turin B.Sc Nursing admission pek an ni ta thin a ni.

Institution wise Number of Seats

College of Nursing, AFMC Pune – 30

College of Nursing, CH (EC) Kolkata – 20

College of Nursing, INHS Asvini – 30

College of Nursing, AH (R&R), New Delhi – 30

College of Nursing, CH (CC), Lucknow – 30

School of Nursing, CH (AF), Bangalore – 20

Official website

Please wait...

Subscribe to hnaruak.com

Want to be notified when our article is published? Enter your email address and name below to be the first to know. (Hna thar awm apianga hriattir nih i duh em? I duh chuan i email address leh hming a hnuaia form ah type lut rawh le.)
error: Alert: Content is protected !!