AIZÂWL-AH JET AIRWAYS CABIN CREW LÂK A NI LEH DÂWN TA
Mizoram Youth Commission (MYC) Chairman-in Mizoram ṭhalaite tâna ṭhahnem a ngaihna avânga Jet Airways hotute a ngen angin August 2018 khian Aizâwlah Jet Airways-a thawk tûr Cabin Crew lâk a ni leh dâwn a; ni 25.6.2018 aṭanga August 2018-a recruitment/interview neih thlengin hemi atâna Mizoram ṭhalaite lo buatsaih lâwkna (grooming)
Pre-Recruitment Training pawh Mizoram Youth Commission chuan anmahni Office-a an Training Hall-ah an buatsaih leh dâwn bawk.
Eligibility Criteria leh hriat tûr pawimawh ṭhenkhat chu hêngte hi a ni :-
1. Age : Kum 18-27 inkâr.
2. Height : Mipa 5’7″ leh hmeichhia 5’2″ aia hniam lo an ni tûr a ni.
3. Weight : Mahni sân zâwng nêna inmil tâwk (BMI/Ideal Weight).
4. Physical features, etc. : Pian ṭha, hmêl hmuh nuam, hmai bawl lo leh mâm ṭha, hmaia arngêng hnuhmâ leh ser awm lo, tattoo nei lo, mit ṭha pângngai, mi biangbiak leh mi chhâwn thiam tak.
5. Educational qualification : HSSLC leh a chung lam pass chin.
6. Admission/Registration Criteria : First come first serve.
7. Nationality : Indian.
8. Passport size thlalâk : 1 copy.
9. MYC-a Training fee : Rs. 500/- per head for full course.
10. Seat awm zât : 150 seats.
11. Registration dîlna leh document thil tel ngaite :
MYC Office, New Secretariat Complex, Near MPSC Building, Aizawl-ah dîlna form siam sa dah khatin theh luha registration/admission tih nghâl theih a ni a;
Class X leh a chung lam Certificate leh Marksheet xerox copy attest sa leh Passport size thlalâk copy a theh luh tel tûr a ni.
12. Registration tih theih hun chhûng : Ni 18-22 June, 2018
13. Class neih ṭan hun : Date 25.6.2018
14. Class shift awm dân :
1) 10:00 a.m – 12:30 p.m for 75 students.
2) 2:00 p.m – 4:30 p.m for 75 students.
-Mizoram Youth Commission (MYC)
