Paper Wallets hmanga Bitcoin Address siam dan

Paper wallet kan tih chuan a lehkha-a bitcoin address neih a ni.
Bitcoin hi exchange ah emaw online a dah hi a him rualin hack te a ni thei tih hriat a tha a.
Online a dah hi a fuh tawk loh thin avangin offline a dah thatna tur an siam phah ta reng a.
He offline a dah thatna hi rei tak tak khawih lo a dah tha duhte tan a tangkai lehzual a, a thla tel meuh emaw a kum tel te in an dah tha thin a ni.

I paper wallet i print kha a print-na lehkha i hman dan azirin i dah that viau a ngai dawn a, i bitcoins kha online a awm tawh loin i lehkha wallet ah khan a awm tawh dawn a, a lehkha emaw a wallet key i ti bo anih chuan a bo tawp a ni mai. Tu tan mah tangkaina nei tawh loin a bo hlen dawn tihna a nih chu.

Online a i bitcoins neih kha i offline paper wallet a i dah hmain i bitcoin address duh dan azirin i siam ang a, miin an hack theihna che i ti tlem dawn a. I thil hlu, i sum i dah that ang tho a dah that tur a ni, sum ani tih hre rengin.

Paper wallet(lehkha wallet) neih dawn a thil ngai te
1. Internet
2. Lehkha
3. Printer leh ink
4. Bakcheh(scissor)
5. Smartphone QR code reader la thei tur

Online ah browser ah www.bitaddress.org ah i lut ang a.

 

Webpage kha  i desktop ah i save ang a.

I file save kha i hawn hmain i internet kha disconnect la, hei hi him taka i wallet i siam nan a ni.

Chumi zawhah i browser history clear vek la, malware te a awm thei a.

I file save kha hawng la,

 

I hawn veleh a hnuaia tarlan ang hian a awm ang.

I cursor i ti che ang a, a percentage a sang chho zel ang, hei hi i bitcoin address security  siam nan a pawimawh.

A sang chho zel ang a, 100% a tling phawt a ngai.

100%  atling zawh hnu lawkah hetiang hian i bitcoin address leh private key a lo lang ang.

Hei hi print mai tur a ni e.

Hriattur pawimawh te.

1. I paper wallet ah hian bitcoin address bitcoins a dah luh theih, i duh ang zat zat i dah thei. Vawikhat aia tam a dah thei tihna a nih chu.
2.  Withdraw dawnin vawikhat chiah a theih thung a, tlem ka la phawt ang tih a theih loh. I lak chhuah bak zawng a bo vek ang.
3. Withdraw dawn chuan blockchain.info ah address ah import address ah i QR code scan na khan i private key khi i scan ang a, i blockchain account ah a awm leh mai ang.

I private key khi i bitcoin key a ni tih hria in i dah tha hle tur a ni.

Paper wallet dang pawh a tam a, google ah bitcoin paper wallet tiin zawng ula, a awm teuh ang.

Tuna ka tarlan leh bitcoinpaperwallet.com hi tuna kan hman ber a ni e.